الموقع الجديد

BlackBerry Playbook  16 GB OS 2
للبيع
السعر
1750 L.E
للجادين فقط
YourFreeWay@gmail.com

BlackBerry PlayBook 7-Inch Tablet (16GB, WiFi)
5 MP Back Camera , 3 MP Front Camera .
1024×600 screen resolution
Multi-touch, capacitive touch screen
WSVGA
1 GHz dual core processor
1 GB RAM
Symmetric multi-processing
6-axis motion sensing (gyroscope)
HDMI: Micro HDMI port
Bluetooth®: Bluetooth v2.1 + EDR
Adobe® Flash® 11.2 enabled
Built-in support for HTML5
Stereo speakers
Stereo microphones
Video output: H.264, MPEG4, WMV HDMI

Used = 1 Month
Excellent Condition .

السلام عليكم ورحمة الله و بركاته
بسم الله الرحمن الرحيم

________________

اولا احب اشكر كل الاعضاء و الزوار , لأن هم السبب فى تقدم الموقع من شهر لآخر , وصل العدد المتوسط الى 250 زائر يوميا .
فعلا بشكر كل واحد فيكم مش مجرد كلام , و اعتقد انى اتكلمت مع 95 % منكم عن طريق قسم (الطلبات الخاصة )
و قررت اشاركم آخر التجديدات فى الموقع و اعر رأيكوا و اقتراحتكوا .
انا بقالى فتره بشتغل فى الموقع الجديد بعد ما اتفقت مع الراعى الرسمى للموقع ( جزاه الله كل خير )
و دفعت التكاليف المطلوبة كلها من حجز مساحة و دومين … الى آخر الدوشة دى :D
و جهزت تصميم الموقع بأجزاءة , و فاضل بس كام  خطوة :
  •  انى انقل المحتويات القديمة لأنى كنت بشتغل بمحتويات و مواضيع تجريبية
  • انى اعمل كل المواضيع بعناوين عربية (تعريب التصميم )
  • رفع الدروس و الدورات الجديدة
و طبعا كل الشغل ده بيعطلنى عن انى اشرح اى درس جديد فى اى برنامج + شوية كسل منى + الدراسة و المذاكرة .
فأتمنى ان محدش يزعل لو اتأخرت عليه فى الرد او مقرتش تعليقة .
و انا عملت حل منظم و سريع بالنسبة لموضوع التعليقات لأن يستحيل انى اتابعها  كلها  , جزء منها هنا على الموقع , و جزء على الايميل و جزء على اليوتيوب , و جزء فى رسايل خاصة و هوريكوا الحل حالا .
انا عملت الموضوع ده علشان تتفرجوا على الـ
Screenshots
بتاعة الموقع الجديد و اعرف رأيكوا , و علشان اقول كام حاجة مهمة  .
_______________________________
بالنسبة للدورات اللى هتترفع على الموقع الجديد (ان شاء الله )
  • Adobe After Effects
  • Adobe Photoshop
  • Adobe Flash Catalyst
  • Adobe Premiere Pro
  • Internet
  • تصوير بأنواعه
  • Autodesk Inventor
  • دورة عمل افلام قصيرة من الصفر Short Movies
  • دورة : كيفية دخول مجال العمل بالتصميم ( علشان نستفيد من اللى بنعمله , يمكن يبقى مجال شغل لكم )
  • 4 مفاجآت

بالنسبة للسونى فيجاس احتمال اكمل شرحه و احتمال مكملش , و ده  والله سبب خارج عن ارادتى , لأن الـ License  بتاعته انتهت , و انا مش بستخدم برامج بكراك او بسيريال مضروب .
لما ربنا يسهل بأذن الله هرجع اشرحه تانى , و لأنى كده كده محتاجه فأن شاء الله مش هيطول الموضوع و هنرجعله تانى .

______________________________________

فأتمنى انكوا تنزلوا After effects  سى اس 4  او سى اس 5
و امكانيات الجهاز اللى بتشغل سونى فيجاس هى هى اللى بتشغل افتر افكت سى اس 4 ( مع العلم  ان الافتر افكت اسهل و مجالة اكبر بكتيييير )

دلوقتى اسيبكوا مع شوية ScreenShots من الموقع الجديد و احب اعرف ارائكوا ( المحتويات كلها تجريبية , مش هى دى محتويات الموقع )

___________________________________

الصفحة الرئيسية ( خاصة بى و بأسعار التصميم و الطلبات و Portfolio لأعمالى )

محدش يستغرب انها مش بالعربى , بس للأسف 90 % من اللى بتعامل معاهم للشغل اجانب مش عرب .

علشان كده الـ Home Page  كلها انجليزية . :)

ScreenShots من التصوير (تجربة )

تجربة للمواضيع Portfolio

جزء الدروس , و ده ان شاء الله كله بالعربى و ده اللى هيكون فى الدورات كاملة ان شاء الله

عرض لبعض الدروس , ان شاء الله كل الدروس هيترفع معاها ملفات العمل علشان الناس تشتغل على طول بعد ما تحملها .

MindMap لمتابعة مستوى كل عضو فى البرامج ( خاصة بالاعضاء الذين يبحثون عن مجال عمل فى التصميم )
و الجزء ده طبعا هيكون ليه شروط لأن مجهوده كبير جدا .

و ده جزء خاص بالدورات المنفصلة ( دورة كاملة بتنزل مره واحد  , مش على عدة مرات )

و اخيرا Profile  خاص بكل عضو علشان يكون سهل التواصل بينى و بين الاعضاء , و تواصل الاعضاء مع بعض .
لأن ان شاء الله هيكون فى مجموعات عمل , و هنعمل شغل كتير جدا مع بعض و هنعمل فرق تصميم للناس اللى تحب تشتغل معايا فى الموقع  .

اتمنى يكون كل الكلام ده عجبكوا و عايز اعرف لو اى حد عنده  اقتراح .

و اتمنى انكوا تعذرونى فى تأخرى اللى ممكن يستمر لمدة شهر بسبب الامتحانات و كمان العدد اللى شغال فى الموقع  قليل جدا ( 4 افراد ) , بس والله المجهود كبير جدا .

و طلبى الوحيد انكوا تدعولى انجح , والله الدعاء ده بيفرق جدا معايا ( بالغيب طبعا )
و اى حد فى الفترة دى عنده اى سؤال او طلب يبعتلى على طول بدون تردد . (الطلبات الخاصة )

اسألكم الدعاء مرة كمان .

جزاكم الله كل خير

78 thoughts on “الموقع الجديد”

  1. أولا الله يوفئك

    ثانيا يا ريت تشرح علي السوني لحسن والله انا مش فاهم في الافتر خالص وحاسس أنه صعب

    وثالثا ولو فيها رزاله يا ريت تشرح الافتر أفكت cs4 من الاول خااالص عشان أركز فيه شويه

    أنا أسف طولت عليك

    الله يوفئك دنيه وأخره

    Reply ↓

  2. سلام عليكم ورحمة الله وبركاته
    الله يوفقك يا طارق و ينجحك في المتحانات وتجيب العلامه الكامله ان شاء الله
    انا ما ابي اشوف الصور حق لا احرق المفاجئة هههههه
    و انا اعرف شلون الشغل بيكون صعب خاصه لمن تكونو اربعه بس
    تقدر تشوف مساعده من الاعضاء او الزوار المحترفين الي ممكن توسع نطاق العمل
    يعني ان شاء الله اذا جت العطله و الموقع يكتمل تقدر توزع الشغل وتنسب اعضاء جدد يعني مو بس انت الي بتشرح او تعمل دروس ( مع اني برتاح لمن اشوف دروسك + بعضها احملها عندي واتفرج عليها اوقات الفراغ ههه )
    والله يوفقنا اجمعين :)
    اخوك محمد من البحرين

    Reply ↓

      • انت تمزح ؟! , اكييييييد عبتني وشكلت فارق كبير + انا اجمعها واعتبرها مرجع للمونتاج و الخدعه
        و إن شاء الله يكبر الموقع بسرعه وينافس المواقع الكبيره مثل VIDEO COPILOT واحلى انه عربي ويرفع راسنا :)

  3. الله يوفقك وإن شاء الله في دينك ودنياك واخرتك…..
    بالفعل أنت شاب طموح وعندك الثقة بالمستقبل وتعمل
    لكي تحصل عليه لايمكنني الوصول لى نصف ما وصلت
    اليه أنا اعشق المونتاج لكن ليس لدرجة الاحتراف وفي النهاية
    أن أتمنى ان أصل لما وصلت اليه انا لا أحسدك أو أغار منك بل
    أغبطك وأتمنى لك كل السعادة و التوفيق,,,,
    محمد حسين المش.

    Reply ↓

    • جزاك الله كل خير
      و يا رب تبقى زى و احسن منى كمان , انا والله مجرد هاوى :)
      ربنا يكرمك يا محمد :)

      ادعيلى ربنا يوفقنى فى الامتحانت لو سمحت :)

      Reply ↓

  4. جازاك الله كل خير حبيبي طارقو
    الله انك استاذ ورئيس قسم و
    ان شاء الله انا من المتابعين لك من زمان و الى الابد هههب
    س انا استرغبت من كلامك
    السوني اصعب من لافتر افكت !!! ازاي ؟!!
    عموما انا منتظر التحفة دي بفارغ الصبر لأن الموقع رائع
    بس يا رب يكون مجاني ههههه لأن اخوك طالب و مفلس دائماً
    موفق عزيزي ا
    خوك امير ذذ
    من العراق

    Reply ↓

    • يا باشا الشرح مجانى , ولو مش مجانى علشان خاطرك يبقى مجانى :)
      بس فعلا الافتر افكت اسهل بكتيير , جرب امشى معايا و هتدعيلى

      و تحياتى للعراق كلها :)

      Reply ↓

    • عليكم السلام و رحمة الله و بركاته .
      اتفرج على فيديو خدعة الطيران , و طبقها بالعكس , بدل ما تثبت الصورة و هو بيقفز , ثبتها و هو بينزل .
      شوف الفيديو و لو عندك اسئلة اسأل براحتك

      Reply ↓

  9. ممكن طلب يا طروق بليز لو مفهاش غلاسه
    عايز اعرف طريقه مسح الكتابه من الفيديو زى مثلا الحقوق الملكيه اللى بتتكتب على الفيديو وبتكون فى
    منطقه مقدرش امسحها عشان هبوظ شكل الفيديو لو ليها طريقه يا ريت ترد عليا وتقولى هتشرحها امتى
    هستنى ردك .
    وربنا يوفقك…

    Reply ↓

    • معلش معنديش وقت كتير ادخل ارد , اسف على التأخير :)
      بس عموما (على حد علمى ) , صعب انك تشيل
      waterMark او Logo
      من اى فيديو لأن تحته جزء يستحيل توصله تانى
      ممكن بس تغطى اللوجو باللوجو بتاعك او تقص الفيديو

      و بعديت ما تسيب الناس بلوجوهاتها :) :) :)

      لو عندك اى اسئلة يا معلم اسأل براحتك , مفيهاش غلاسة مهما كان السؤال , بس ادعيلى انجح :)

      Reply ↓

  10. اخي طارق الله يوفقك انا اخوك مازن المصري مصصم 3dsmax ومقيم في تونس واعمل في مجال الجرافيك واتمني لو محتاج اي حاجة في الماكس لتساعدك في عملك الرائع لتوصل علمك لاكبر قدر من المسلمين والعرب انا جاهز وفي اي وقت وشكرا لمجهودك في الفيجاس .

    Reply ↓

    • جزاك الله كل خير يا مازن
      انا عامل فى الموقع الجديد جزء خاص بالدروس العربية عموما
      لو تحب اعملك قسم عندى تشرح فيه و يبقى ليك كامل التحكم عليه باسمك باللوجو بتاعك , مفيش اى مشاكل .
      علشان نوصل الحاجات لأكبر قدر من الناس

      بس طبعا فى شروط للفيديو زى ( مفيش موسيقى – صوت نقى )

      Reply ↓

  11. السلام عليكم كيفك اخي طارق متى ان شاء الله تنزل الدروس الجديدة انا مرة متحمس وانتظر دروسك المميزة والجميلة وشكراً

    Reply ↓

  13. تسلم اخي وفيه طلب كمان : انا عاوز رابط Adobe After Effects CS4 لانو الوندوز عندي 32 بت وتعبت ادور وحملت كذا برنامج بس للاسف الملفات معطوبة . مع كــــــــــــــــــــــــــــــامل احترامي . معلش انا عارف غلست عليك :s

    Reply ↓

    • قلت مفيش حاجة اسمها غلاسة :)
      اسأل براحتك , بص انا دايما ينزل Torrent او من موقع Adobe.com
      علشان لينكات المنتديات بتكون معظمها بايظ
      تحب ايه فيهم ؟

      Reply ↓

  16. والله انا فرحان جدا انك رجعت تاني ياطاروقة وفرحان اكتر انك هاتشرح الافتر افكت .. بس ياريت ياطاروق وانت بتعمل درس تكون حاطط في دماغك الناس المبتدأين .. لان معظم الدروس اللي شفتها في الافتر افكت معظمها الناس مش بتركز قوي مع الفئة ده وبتعمل الخطوات من غير ماتشرحها هي بتتعمل ليه .. يعني مجرد انك تنفذ الخطوة من غير ماتفهم انك عملتها ليه .. وده بيخلي الواحد يعمل من غير مايفهم وبالتالي ينسى على طول .. ارجو انك تكون فهمت قصدي …

    وياريت تكون فيه دروس للخدع بالافتر .. لاني شفت خدع رهيبة بالافتر ..

    واتمنى من ربنا يوفقك وينجحك بإذن الله لاني اكتر واحد فرحان برجوعك .. وانت اللي خلتني بجد احب البرامج ده وفهمتني معنى جديد لبرامج المونتاج .. لانك بتشرح الدرس بسهولة جدا جدا جدا واي حد يستوعبه
    اخوك محمود

    Reply ↓

    • حاضر
      هبدأ من الصفر بأذن الله
      و انا والله فرحان بردك ده جدا جدا
      و اتمنى دايما تبقى تسأل لو فى اى حاجة مش عارفة
      حتى لو هندور عليها مع بعض .

      Reply ↓

  17. اختاج عمل انفجار حائط عن طريق سوني فغاس برو 10 يالت تقلي عشان انا احتاجها كثير
    2- احتاج كيف تعمل خلفيات هري بوتر مثلاَ زي مكتبة تتعبا كتوب منغير احد يعبيها زي السهر والخيال لان انا بعمل افلام في السعودية ويارت تنبهني عن طريق الاميل او الموبايل او على الفيس بوك موبيلي هو 0559008258 عبدالقادر جلان
    وشوف افلامي على الوتيوب بنفس اسمي او على القناة kald20101 وصحح اخطائي

    Reply ↓

  19. الاخ احمد جزاك الله خيرا وطلبي الوحيد هو انا مش عارف انزل برنامج الافتر افكت من على الانترنت ومعرفش حد خالص معاه البرنامج وانا عارف حاجات كويسة كتير على الافتر افكت بس مش عارف اطبق لاني معنديش البرنامج برجاء المساعدة لاني مشعارف احل المشكلة دي من شهور وياريت رقم تليفونك علشان اتواصل معاك للضرورة وشكرا لك ويارب يوفقك في الامتحانات
    اخوك وائل

    Reply ↓

  21. عندي سؤال بس حاسس انوا مالو داعي:
    ياريت لو اعرف نوع المايك الي بتستخدموا في تسجيل الصوت لأنو ما شاء الله صوتك في الفيديوهات واضح جداَ
    ونوع الكاميراً…..
    وشكراَ سلفاً على الاجابة…..
    وبتمنالك النجاح المستمر الله يوفقك ويجزيك خير….

    Reply ↓

  22. السلام عليكم يا اخ طارق على فكرة انا كمان اسمى طارق بس كنت عوز منك طلب تشرح ازى اعمل حادث تصدادم باسونى فيجاس او الافتر افيكت وياريت تراسلنى على الايميل علشان عوز اخد دورة افيكت tark_amin2006@yahoo.com

    Reply ↓

  23. اولا انا فرحان جدا اني بكتبلك كومنت ويا رب تقراه
    ثانيا انا بشكرك جدا علي الشعل العالي ده وان شاء الله في مزيد من التقدم
    انا عاوز اعرف بقي هو الموفع الجديد هيبقي امتي عشان انا متلخبط خالص وفي الفيديوهات الللي انت عاملها (مشهد زلزال احترافى كامل بالسونى فيجاس) فين البوست اللي مكتوب فيه اسماء المواقع :D :D

    Reply ↓

  24. والله العظيم انك شغص تعجز الكلامات عن وصفه….بالفعل انا اول مرة اشوف واحد بيعطي كل تعبوا وخبرتوا مجاناَ!!!!
    الله يوفقط ويرزقك ويجزيك خيك….
    والله ما با عرف كيف اشكرك….

    Reply ↓

  27. ربنا يرزقك ببنت الحلال يا معلم
    امتة تفتح الموقع لأني زهقت و معنديش حاجة هههه
    ربنا يوفقك حبيبي طارق
    والله انا عاوز اشوف ابوك لأنه جاب للدنيا معجزة زيك يا استاذ
    بانتظار الموقع بس ربنا يوفقك تبقى تعمل دة بسرعة
    في رعاية الله وتوفيقه عزيزي
    امير من العراق

    Reply ↓

  28. السلام عليكم ورحمة الله تعالى وبركاته
    أود أن أعرف بنفسي قبل كل شئ أخوك أسامة من الجزائر العاصمة
    والله بصراحة يا أخي يعجز اللسان عن الشكر والتعظيم لأن كل الكلمات الي ممكن اقولها ما راح توفي بالغرض
    بمعنى الكلمة أنك شرف كبير يفتخر به اي عربي، هذا الذي ينقصنا الإبداع التطور الفكري التنمية الخروج من القوقعة
    والذي شدني كثيرا بعد إبداعك وتألقك الكبير اني أرى شخص عربي يقدم كل ما يعرف مجانا بصراحة شئ جميل ويشرح القلب انو مازال فيه ناس تفكر في غيرها مثل ما تفكر في نفسها لاننا نحن العرب المسلمين نحسد بعض ومنحبش الخير للغير وكاننا نأتي ضد الحديث الذي يقول لا يؤمن أحدكم حتى يحب للمؤمن ما يحب لنفسه بأبي أنت وأمي يا رسول
    اتمنى ان تعيش الامه الاسلاميه على مبدا هذا الحديث ولو حدث سنرى امه لها هيبة وكرامة…على العموم آسف على الإطالة في الكلام يا اخي طارق لم يتبقى شئ اقوله لك سوى الدعاء لك ربنا يوفقك ويزيدك معرفة على معرفة وعلم على علم وربنا يوفقك في دراستك وتنال تقديرات وشهادات ونجاح شامل في حياتك .
    أخوك أسامة تقبل تحياتي.

    Reply ↓

    • ازيك يحج طارق ان شاء الله بجد لو ينفع تشرح من الصفر الافتر افكت 4 والله انا مكنت عارف اي شئء فى السونى بث حملت المقاطع بتعتك كلها وتبقطها ودلوقتى الحمد لله يعنى بقيت جيد بث مصتصعب الافتر لو تعلمنا الافتر زى السونى بالظبط وزى المقاطع بتاعت السونى ياااااااه بث انا عارف ان صعب صح ولا اخوك شريف المعداوى مكه المكرمه

      Reply ↓

  32. سلام عليكم ازيك يا طارق الصراحة انا عمرى ما دخلت موقع وحملت حاجة او شوفت مقطع او حاجة ورديت ولا شغلت نفسى بس فعلا الحق يقال انت شاب مميز جدا وشرحك جميل جدا جدا وانا عن نفسى لو عندى شركة انتاج هاخدك على طوووول :) .
    انا الصراحة لسة مبتدىء فى السونى فيجاس بس بفضل الله ثم دروسك هكون محترف بأذن الله وهعديك كمان :) )
    وانا عايز اشتغل معاك فى الموقع لو انت شايف ان فى اى مساعدة اقدر اقدمها انا معاك بأذن الله وانا خبرة على فكرة فى المنتديات والمدونات وشغال فى المجال دة من فترة كبيرة وعندى منتدى كمان يعنى بأذن الله تستفاد منى ان شاء الله
    ودة ايميلى ياريت لو تكملنى يكون افضل علشان نتواصل ونتكلم يا طرووق :) kofegypt@yahoo.com

    Reply ↓

  33. بصراااااااحه انت مبدع جدااااااااااااااااا وانا بتمنى لو اقدر ابقى زيك بس انا عيزا اسألك انا عندي 16 سنه هقدر اتعلم وابقى زيك يعني انت ازاي بقيت كدا ماشا الله ياريت تررررد علياااااااااا عشان بجد بجد بجد مفسي اوصل للي انت وصلتوو مع اني متأكده مش هقدر

    Reply ↓

      • أخي الشرح سهل جدا بس أهم الشيء تنتبه لهذه النقاط اللي رح أذكرها واللي هي:
        1- إنك قبل ما تشرح الدرس تكون فهمان الفكرة مرة ومرتين وثلاثة.
        2- تكون جيد في اللغة العربية وفي انتقاءك للكلمات.
        3- يكون درسك قدر الإمكان قصير ومستوفي للفكر.
        4- ترك مجال للمتعلم في تنفيذ الفكرة يعني أنت وقت اللي بتشرح الفكرة ما تشرحها بالتفصيل أشرح الفكرة بالقلم العريض متل ما بيقولوا يعني مجرد الفكرة وليس التعمق بها.
        5- الاستمرار في إعطاء دروس وفكر جديد لتجذب أكبر عدد من المتابعين لك.
        6- تصميم موقع خاص بك لكي يكون موقع تفاعل بينك وبين متابعيك.
        7- نشر دروسك على موقعك ومواقع التواصل الأجتماعية الأخرى.
        وبإذن الله بهالسبع خطوات رح تكون عندك شهرة وخبرة كبيرة إذا أحسنت تنفيذها.
        ورح تغلب أخونا طارق هههههههههههه
        أتمنى أكون بهالشرح البسيط عطيتك الخطوات اللازمة لتبدأ طريقك في نشر ما تتعلمه أول بأول.
        وشكراً أخوك ibrahem podcast
        وأنا بإذن الله موقعي قيد الإنشاء واللي هو:
        ibrahempodcast.wordpress.com

  36. مرحبا انا شب من سوريا وحابب أدخل مجال الآفتر أيفكت بس ما عندي فلوس مشان هيك عم حاول أتعلم من نت أشتريت جهاز كمبيوتر وعم حاول أتعلم ممكن تساعدني ونتواصل عطول لو سمحت

    Reply ↓

  37. أول مرة اتابعك .. بس بصراحة انت انساااااااااان جااااااااااامد

    ربنا يوفقك ومتابع ليك من هنا وراااااااااااااااايح

    Reply ↓

  40. حبيبي طارق ممكن تشرحلي درس تكسير الحائط على الافتر افكت هي فكرة الدرس بس على السوني فيغاس
    يعني اذا مافي مانع تشرح الفكرة على الافتر افكت cs4 وانا من متابعين دروسك وبصراحة استفادت كتير منك
    في مجال الافتر افكت الله يجزاك الخير يا طارق

    Reply ↓

  41. السلام عليكم :)

    انا بالصدفه وانا بلف على اليوتيوب اشوف خلفيات لسوني فيغاس شوفت فيديوهاتك وبجد مشاء الله عليك شرحك بسيط وسهل لاني ناويه على برنامج اعمله مع نفسي ^^ بس هتشجعني على اني اصمم الخلفيات والاكشنات مع نفسي برده :D ^^ وخليك جاهز في اي وقت بقى عشان لو احتجناك في حاجه ^___^

    الى اللقاء :)

    Reply ↓

  42. ليست مجامله لشخصكم الكريم ولكنى إستفدت كثيرا من طريقه شرحك البسيطه ومنتظر عودتك لأنى أشعر إنى سأحترف بفضل شرحك ونظرا لأنك كسلان شويه ذنبى فى رقبتك وكل محترفين المستقبل ذنبهم فى رقبتك ههههه (ربنا يوفقك)

    Reply ↓

  45. السلام عليكم استاذ طارق معاك المخرج هشام خالد مخرج افلام رعب ومصممه كنت عايزك فى شغل فى فيلم بعمله زى الخدع البصريه الجرافيك الفنتازيا ياريت تكلمنى واشرحلك التفاصيل تليفون : 01009561810
    او عالفيس بوك http://www.facebook.com/#

    Reply ↓

  47. استاذ طارق ممكن تعمل شرح زي ده علي السوني فيجاس
    وجزاك الله خير وربنا يزيدك من علمه

    Reply ↓

  49. جزاك الله عنا كل خير يا طارق وربنا يوفقك ان شاء الله في الامتحانات وتعود لنا بالسلامة
    والله انا حبيتك في الله لما شوفت شرح فيديو واحد بس فانا لا اذكي علي الله احدا ولكن طريقتك في الشرح
    مبسطة وبدون تكليف ومن تقدم لتقدم ان شاء الله
    اخوك افي الله أمير حسين

    Reply ↓

اترك رد

Fill in your details below or click an icon to log in:

Gravatar
WordPress.com Logo

You are commenting using your WordPress.com account. ( Log Out / تغيير )

Twitter picture

You are commenting using your Twitter account. ( Log Out / تغيير )

Facebook photo

You are commenting using your Facebook account. ( Log Out / تغيير )

إلغاء

Connecting to %s